زينب الفاخري
مامن شي واجعني كميته
ومامن حمل شلته ما انشال
أو مامن هبل قابلني عطيته
طرشة وذن ماتسمع اقوال
ومامن زين يفرح وين جيته
قدره فوق هامات الجبال
ومامن يوم في عازه قضيته
غير انقول لا مايدوم حال
نا صبار صبري مانسيته
عندي كيف شربي والوكال
مر صحيح لنقاني إلقيته
لكن خير من درب الضلال
يارحمن يا عالم ابنيته
عبدك جاك واذنوبه اثقال
فرج كرب مكروبا بليته
وارحم دمع ع الخدين سال
