عصام الصابري
تعرفي ؟
أنا قلت في ميعاد
ماعاد نبي فيك قبر يضمني
وخلي نعيشو بعاد
وكل هاللي يصيرلك ما يهمني
لكن فضحني دمع وين جبدتك
وبانن مواير كذب في وسط الكلام
وفتالي الحديث حمدتك
لنقانّا ونحنا بعاد ….. أيتام
ما اقدرت ننطق اسمك
ولا فرشتي قدرت تحودد رسمك
كل ما انجيب الوان نبي نرسمك
يسيلن ألواني عالأوراق دموع
الجرح حالف فيت يلقى بلسمك
يبقى يبدد … منتقض … موجوع
مش ترحميني ؟… ساد ؟
راني وليدك
وما انخون …. اطمني .
حتى ان قلت في ميعاد
ما عاد نبي فيك قبر يضمني