عفاف عبد المحسن
اجَّمّل عليّْ وزورني شي مَرة
وحق الغلا غيبة عيونك مُرة
اجمل عليّْ وتوقني واسيني
شوقي امرمد روحي .. والبعد ماحره
اجمل عليّْ وقولي زي قبل ياعيني
عيونك سبني ..
ونابيش نقدر نملكك ياحرة
سبحان الزمان مايدور ..
بعد الزهى قلبي صبح مقهور ..
ندور علي عيونك .. ومالقيتلك جره ..
اجمل عليّْ
رد الشاعر عصام الصابري على القصيدة :
اجّمّل علي دهورني
وصوّرني
واطلق عناني فالخلا اوّدّرني
ودير روحك منشغل دوّرني
وهالمرّه
حبل الغلا ما تطلقه .. كرّه
رد الشاعرة مريم الورفلي على القصيدة .
اجّمل عليّ وزيد
وقول الغلا ممتد في الوريد
وقول ياغلايا ماسواك انريد
والوقت لو يسمح أنعيد الكرة
انعاود انعيش معاك عمر جديد
ويفداك عمري بكل جهره وسرّه
اجمل عليّْ